محکمہ موسمیات کی آج رات سے کل تک موسلادھار بارشوں کی پیشگوئی

ملک کو اس وقت سیلابی صورتحال اور شدید بارشیں درپیش ہیں، ایسے میں محکمہ موسمیات نے بارشوں کے ایک اور اسپیل کی پیشگوئی کی ہے، محکمہ موسمیات نے بتایا کہ اسلام آباد اور گردونواح میں گرج چمک کےساتھ موسلادھار بارش ہونے کا امکان ہے۔

اس کے علاوہ گلگت بلتستان، خیبر پختونخوا، پنجاب کے مختلف حصوں میں بارش کا امکان ہے جبکہ لاہور، قصور، اوکاڑہ، سیالکوٹ، شیخوپورہ، نارووال اور گوجرانوالہ میں بھی بارش متوقع ہے۔

افغانستان میں قیامت خیز زلزلہ: 250 جاں بحق، سیکڑوں زخمی، کئی گاؤں صفحہ ہستی سے مٹ گئے

مری، گلیات، اٹک، چکوال، جہلم، خوشاب اور نورپور تھل میں برسات ہونے کی پیشگوئی ہے جبکہ سرگودھا، فیصل آباد، جھنگ، بھکر، میانوالی، بہاولنگر اور رحیم یارخان میں بھی بارشو کا امکان ظاہر کیا گیا ہے۔

راجن پور، بہاولپور، ملتان اور ڈیرہ غازی خان میں موسلادھار بارش کا امکان ہے، پشاور، چارسدہ، سوات، کوہستان، شانگلہ اور بٹگرام میں بھی بارشیں متوقع ہیں۔

کراچی کے لیے خطرے کی گھنٹی، آج دوپہر سے دوبارہ طوفانی بارش کا امکان

نوشہرہ، مردان، صوابی، بونیر، ایبٹ آباد، مانسہرہ، خیبر، مہمند، کرم، باجوڑ، اورکزئی، ٹانک، لکی مروت، ہنگو میں بادل برسنے کی پیشگوئی ہے جبکہ کرک، بنوں اور ڈیرہ اسماعیل خان میں تیز ہواؤں کےساتھ بارش کا امکان ہے۔

اس کے علاوہ سانگھڑ، گھوٹکی، میرپور خاص، تھرپارکر، عمرکوٹ میں بارش کا امکان ہے جبکہ ژوب، موسیٰ خیل، بارکھان اور گردونواح میں گرج چمک کے ساتھ بارش متوقع ہے۔