پی ایس ایل 10 کے بقیہ میچز کے شیڈول کا اعلان ہو گیا

بھارتی جنگی جارحیت کے باعث ملتوی ہونے والی پاکستان سپر لیگ (پی ایس ایل) 10 کے شیڈول کا دونوں ممالک میں جنگ بندی کے بعد باضابطہ اعلان کر دیا گیا ہے۔ لیگ کے بقیہ 10 میچز کا آغاز 17 مئی سے ہوگا۔

جاری شیڈول کے مطابق آئی پی ایل 10 کا آغاز وہیں سے ہوگا جہاں سے یہ ٹورنامنٹ رُکا تھا۔ 17 مئی کو کراچی کنگز اور پشاور زلمی کجے درمیان پنڈی کرکٹ اسٹیڈیم میں میچ ہوگا۔

18 مئی کو دو میچز کھیلے جائیں گے۔ پنڈی اسٹیڈیم میں پہلا میچ ملتان سلطانز اور کوئٹہ گلیڈیئٹرز کے درمیان کھیلا جائے گا جو سہ پہر 3 بجے شروع ہوگا جب کہ دوسرا میچ اسی روز شام 7 بجے پشاور زلمی اور لاہور قلندرز کے درمیان ہوگا۔

پی ایس ایل ’’براہ راست دیکھنے‘‘ کا نیا ریکارڈ قائم ہو گیا

19 مئی کو پنڈی میں اسلام آباد یونائٹیڈ اور کراچی کنگز کے درمیان میچ کے ساتھ ہی گروپ مرحلہ ختم ہو جائے گا۔

پلے آف راؤنڈ 21 سے 23 مئی تک لاہور میں کھیلا جائے گا۔

پاکستان سپر لیگ 10 کا فائنل 25 مئی کو لاہور میں ہوگا۔

اب تک پوائنٹس ٹیبل کے مطابق کوئٹہ گلیڈیئٹرز نے پلے آف مرحلے کے لیے کوالیفائی کر لیا ہے جب کہ مسلسل چار فائنلز کھیلنے والی ملتان سلطانز پہلے ہی راؤنڈ میں ٹورنامنٹ سے باہر ہو چکی ہے۔

پلے آف مرحلے میں رسائی کے لیے کراچی کنگز، اسلام آباد یونائٹیڈ، پشاور زلمی اور لاہور قلندرز کے درمیان رسہ کشی جاری ہے۔

اے ار وائے اردو