گوگل کے نئے اے آئی ویڈیو ٹول کے ذریعے جعلی ویڈیوز بنانے کا خدشہ ظاہرے کرتے ہوئے عالمی ماہرین کی جانب سے خبردار کردیا گیا

غیرملکی خبرایجنسی نے گوگل کے حوالے سے عالمی ماہرین کا حوالہ دیتے ہوئے بتایا کہ ’’ویو3‘‘ کے ذریعے جعلی ویڈیوز بنانا بہت آسان ہوگیا ہے، ایران اور اسرائیل کشیدگی کے دوران بھی ویو3 کے ذریعے جعلی ویڈیوز بناکر وائرل کی گئیں۔

عالمی ماہرین نے بتایا کہ جعلی ویڈیوز عوامی تاثر کو گمراہ کرنے کا نیا ہتھیار بنتی جارہی ہیں، ویو3 جیسے ٹولز سے جھوٹ کو حقیقت سے الگ کرنا عام صارف کیلئے مشکل ہوگیا۔

الرٹ:بٹ کوائن کی قدر میں تاریخی اضافہ، قیمت ایک لاکھ 11 ہزار ڈالر سے تجاوز کر گئی

ماہرین نے مزید کہا کہ گوگل دعویٰ کرتا ہے کہ ویو3 جعلی اور نقصان دہ مواد روکتا ہے لیکن یہ حقیقت نہیں، حقیت اس کے برعکس ہے۔

عالمی ادارے ریئلٹی ڈیفنڈر کے چیف بین کالمین نے کہا کہ ہم نے بھی ویو3 کے ذریعے جعلی ویڈیوز بنانے کا تجربہ کیا، جعلی ویڈیو سے میں اور میرے ماہر ساتھی بھی دھوکا کھا گئے۔

گوگل نے ویو3 کے ذریعے بننے والی ویڈیوز میں واٹرمارک شامل کرنے کا دعویٰ کیا ہے، خبرایجنسی نے بتایا کہ گوگل کے مطابق وہ اے آئی کی ترقی کو محفوظ اور ذمہ دار بنانے کیلئے پُرعزم ہیں۔