قربانی کے اونٹ سے چھیڑ چھاڑ شہری کو مہنگی پڑ گئی – ویڈیو وائرل
عید قربان قریب ہے اور ہر گلی محلے میں قربانی کے جانوروں کی تعداد بڑھتی جا رہی ہے۔ بکرے، دبنے، بیل اور گایوں کے ساتھ اونٹ بھی دکھائی دے رہے ہیں۔
لوگ قربانی کے جانوروں کا بہت خیال رکھتے ہیں لیکن بعض اوقات ان سے چھیڑ چھاڑ کسی بھی شخص کو بہت مہنگی پڑ جاتی ہے۔
ایسی ہی ایک ویڈیو تیزی سے سوشل میڈیا پر تیزی سے وائرل ہو رہی ہے۔ جس میں ایک باڑے جیسی جگہ پر قربانی کے اونٹ بندھے ہوئے ہیں اور ایک شخص ایک اونٹ سے چھیڑ چھاڑ کی کوشش کر رہا ہے۔
سوشل میڈیا پر وائرل یہ ویڈیو کراچی کے علاقے دہلی کالونی کی بتائی جا رہی ہے۔
ویڈیو میں دیکھا جا سکتا ہے کہ ایک شخص بیٹھے ہوئے اونٹ سے چھیڑ چھاڑ کر رہا ہوتا ہے اور وہ اونٹ غصیلے ردعمل کا اظہار کرتا ہے۔
ایک دوسرا شخص اونٹ کی رسی کھینچتا ہے تاکہ یہ دوسرے شخص کو نقصان نہ پہنچا سکے، لیکن اونٹ موقع ملتے ہی تنگ کرنے والے شہری کا ہاتھ منہ میں دبوچ لیتا ہے اور دانتوں سے چبا کر زخمی کر دیتا ہے۔
اس موقع پر وہاں موجود دیگر لوگ اونٹ کے منہ سے اس شخص کا ہاتھ چھڑانے کی کوشش کرتے ہیں جس میں بالآخر وہ کامیاب رہتے ہیں۔
بیٹوں نے 90 سالہ باپ کی شادی کی خواہش پوری کردی
خوش قسمتی سے مذکورہ شخص کو زیادہ نقصان نہیں پہنچا اور دو انگلیاں ہی متاثر ہوئیں۔
