اسلام آباد میں نوجوان نے ٹک ٹاکر خاتون کو قتل کر دیا

ابتدائی اطلاعات کے مطابق واقعہ تھانہ سنبل کی حدود میں پیش آیا جہاں گھر آئے مہمان نے ٹک ٹاکر خاتون کو گولیاں مار دیں۔

ٹک ٹاکر ثناء یوسف کا تعلق چترال سے ہے۔

پولیس کا کہنا ہے کہ ملزم کی کچھ دیر خاتون سے بات ہوئی اور وہ گھر کے باہر کھڑا رہا جس کے بعد فائرنگ ہوئی۔ ملزم نے مقتولہ کو دو گولیاں ماری اور فرار ہو گیا۔

یکری میں گھس کر7 افراد نے تلوار سے ایک شخص کو قتل کردیا، ویڈیو وائرل

پولیس کے مطابق گولیاں لگنے سے خاتون موقع پر ہی جاں بحق ہو گئی جس کی لاش کو پمز اسپتال منتقل کیا گیا جہاں پوسٹ مارٹم مکمل ہو گیا ہے اور ضابطے کی کارروائی کر کے میت کو اہل خانہ کے حوالے کیا گیا۔

پولیس کو شبہ ہے کہ ملزم مقتولہ کا رشتہ دار ہے تاہم جائے وقوعہ سے ابتدائی شواہد اکٹھے کر لیے گئے ہیں اور اطراف میں لگے کیمروں سے سی سی ٹی وی فوٹیج حاصل کی جارہی ہے۔